30 iyun — O‘zbekiston Respublikasi Yoshlar kuni!

Har yili 30 iyun — O‘zbekiston yoshlar ittifoqi tashkil topgan kun sifatida nishonlanadi.

O‘zbekiston Respublikasi Prezidenti Shavkat Mirziyoyev 2017 yil 30 iyun kuni bo‘lib o‘tgan «Kamolot» yoshlar ijtimoiy harakatining IV qurultoyida ilk bor «Yoshlar kuni»ni nishonlash to‘g‘risida e’lon qilgan, shu kunning o‘zida yangi tashkilot – O‘zbekiston yoshlar ittifoqini yangi maqsad va vazifalar bilan tashkil etish to‘g‘risida qaror qabul qilingan edi.

Prezidentimiz tomonidan turli sohalarda yuksak natija va yutuqlarga erishayotgan yoshlarni rag‘batlantirish maqsadida «Kelajak bunyodkori» medali hamda har jabhada faol va jonkuyar yosh yigitlar uchun «Mard o‘g‘lon» davlat mukofoti ta’sis etilgan.