“Biz hozircha faqat kuzatamiz. Ular yana biroz jang qilsin, keyin nima bo‘lishini ko‘ramiz”

Tramp Ukrainaga oid muzokaralardan chiqishi mumkin.

AQSh prezidenti Donald Tramp Ukrainaga qarshi urushni to‘xtatish bo‘yicha olib borilayotgan diplomatik sa’y-harakatlarni vaqtincha to‘xtatish masalasini ko‘rib chiqmoqda. Axios xabariga ko‘ra, Oq uy yuqori lavozimli amaldorlaridan biri Tramp ikki tomon — Rossiya yoki Ukraina — vaziyatni o‘zgartirishga harakat qilmaguncha, muzokaralarda faollikni kamaytishi mumkinligini aytgan.

“Biz hozircha faqat kuzatamiz. Ular yana biroz jang qilsin, keyin nima bo‘lishini ko‘ramiz”, — degan Oq uy rasmiysi. Trampning atrofidagi ayrim maslahatchilar Yevropa yetakchilarini jarayonning “asosiy to‘siqlari” deb bilmoqda. Ularning fikricha, ayrim davlatlar Kiyevni “haqiqatdan yiroq hududiy yon berish” talablari orqali bosim ostida ushlab turibdi.

Manbalarga ko‘ra, AQSh Moliya vazirligi Yevropaga Rossiyaga qarshi qo‘llash uchun yangi sanksiyalar ro‘yxatini taqdim etgan. Bu takliflar orasida Rossiyadan neft va gaz importin to‘liq to‘xtatish hamda Xitoy va Hindistonga qo‘shimcha tariflar joriy etish bor. Shunga qaramay, Oq uy Yevropaning sanksiyalar masalasida yetarli qat’iyat ko‘rsatmayotganidan norozi.

Tramp, avvalgi sammitlarda ham aytganidek, yendi asosiy e’tibor Putin va Zelenskiy o‘rtasidagi bevosita uchrashuvga qaratlishi kerakligini ta’kidlamoqda. Biroq Rossiya tomon bunday muzokaraga hozircha rozi emas, Ukraina esa hududiy yon berish masalasini stolga qo‘yishni rad etmoqda.