Afg‘oniston Transport vazirligi beshta qo‘shni mamlakatda transport maslahatchilarini tayinladi

Afghanistan Respublikasi Transport vazirligi Tojikiston, O‘zbekiston, Eron, Pokiston va Turkmanistonda transport maslahatchilari tayinlanganini ma’lum qildi, deb xabar bermoqda IRAF axborot agentligi.

Vazirlik bayonotida ta’kidlanishicha, tashqi savdoda qo‘shni mamlakatlarning quruqlik orqali yo‘llariga kuchli bog‘liq bo‘lgan Afg‘oniston uchun mintaqaviy hamkorlikni rivojlantirish va savdo koridorlarini kengaytirish juda muhim ahamiyatga ega. Bu orqali afg‘on tadbirkorlari jahon bozorlariga chiqish imkoniyatiga ega bo‘ladi.

«Tayinlangan maslahatchilarning asosiy vazifasi – eksport o‘sishiga ko‘maklashish, tranzit jarayonlarini soddalashtirish va mamlakatning transport imkoniyatlarini kengaytirishdan iborat», – deyiladi vazirlik xabarida.

Ma’lumot uchun, yuqorida zikr etilgan mamlakatlar, jumladan Tojikiston, hozircha taliblar hukumatiga nisbatan de-yure rasmiy tan olishni amalga oshirmagan. Shu bilan birga, Xitoy, BAA, O‘zbekiston va Pokiston singari ayrim davlatlar Qobulda elchixonalar ochgan yoki diplomatlarini akkreditasiya qilgan. Biroq hozircha taliblar hukumati xalqaro miqyosda rasman tan olinmagan.

BMT va ko‘plab mamlakatlar Talibon harakatini hozirda Afg‘onistondagi de-fakto hokimiyat deb hisoblayotgan bo‘lsa-da, uning legitim (qonuniy) maqomini tan olmagan.