Холанд жорий йил гол уриш бўйича биринчи ўринга чиқиб олди

Эрлинг Холанд йилнинг энг кўп гол урган футболчисига айланиб олди.

“Манчестер Сити” форварди Чемпионлар лигаси доирасида “Лейпциг”га қарши ўйиннинг 54-дақиқасида Филипп Фоденнинг узатмасидан унумли фойдаланиб, гол урди.

Норвегиялик футболчининг 2023 йилда клуби ва терма жамоаси учун 50 та гол бор. У Харри Кейндан (49, Бавария/Англия) олдинга ўтиб олди.

Улардан кейинги ўринларда “Ан-Наср” ва Португалия терма жамоаси ҳужумчиси Криштиану Роналду (48 гол) ва “ПСЖ” ва Франция терма жамоаси ҳужумчиси Килиан Мбаппе (47) бормоқда.