Владимир Норов ЮНЕСКО бош директори билан учрашди

Владимир Норов ЮНЕСКО бош директори билан учрашди

БМТ Бош ассамблеясининг 77-сессияси доирасида Ўзбекистон ташқи ишлар вазири Владимир Норов Бирлашган миллатлар ташкилоти Таълим, фан ва маданият масалалари бўйича ташкилоти (ЮНEСКО) бош директори Одри Азуле билан учрашув ўтказди.

Мулоқот чоғида Ўзбекистон ва ЮНEСКО ўртасидаги ҳамкорлик бугунги ҳолати ва уни ривожлантириш истиқболлари муҳокама қилинди. Режалаштирилган тадбирлар жадвали ва улар ташкилий жиҳатлари юзасидан фикр алмашилди.

Одри Азуле Ўзбекистон томонини ЮНEСКО нуфузли бошқарув органларидан бири бўлган номоддий маданий меросни муҳофаза қилиш бўйича ҳукуматлараро қўмитасига аъзо бўлгани билан табриклади.

Халқаро ва минтақавий кун тартиби масалалари муҳокама қилинди. 2021 йили Ўзбекистон томони ташаббуси билан қабул қилинган ЮНEСКО «Хива жараёни: Марказий Осиё минтақасида халқаро ҳамкорликни ривожлантириш» резолюциясини илгари суриш доирасида фаол ишлашга ҳозирлик билдирилди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!