Ўзбекистонда карантин: "Шу қўлингиз билан болангизни ушлайсизми энди?"
Айни дамда Ўзбекистонда карантин. Ҳар куни уйдан беҳудага чиқмаслик, доим огоҳ бўлиш, ўзимизни асрашимиз кераклиги ҳақида гапирилади. Аммо ҳали ҳам орамизда атрофдагиларнинг, оила аъзоларининг тақдирига бефарқ бўлганлар учраб турибди.
Кўчада, аниқроғи стадион ёнида ғалати ҳолатга дуч келдим. Атроф ғира-шира қоронғи. Эркаклар йиғилиб олган. Оғзида ниқоб, аммо ёнида спиртли ичимликлар, яна алламбалолар. Киши маст бўлганида ҳар қандай қоидани эсдан чиқаради, гигиена ҳақида-ку гап бўлиши мумкин эмас. Ўша эркаклар уйига борганида фарзандига қўл теккизади, унгача яна кимлар билан апоқ-чапоқ бўлади, Худо билади.
Бу бугунги карантинга риоя қилинмаётган кичик бир ҳолат. Минг афсуски, бундай ҳолатлар учраб турибди.
Кўзингизни очинг, юртдошлар, бугун Ўзбекистонда коронавирусга чалинганлар 266 та бўлди. Келинг, шу рақамнинг кўпайишига эмас, вируснинг йўқ бўлишига ҳисса қўшайлик.
