УзАвто янги Chevrolet Trackerни савдога чиқарди

УзАвто Моторс янги Chevrolet Trackerни савдога чиқарди, деб хабар қилмоқда компания расмий веб саҳифаси. 

Янги кроссовер биринчи навбатда ўзининг замонавий дизайни, хавфсизлиги ва тежамкорлиги билан харидорларни жалб қилиши кутилмоқда. Шунингдек? унинг қулайлик ва самарадорлик хусусиятлари ҳам оширилган.

Хусусан, янги Trackerда панорама люк, светодиодли чироқлар, 8 дюмли экранли аудиотизим, орқа камера,  ва бошқа кўплаб қулайликларни топиш мумкин. 

Tracker замонавий, 123 от кучига эга бўлган 3 цилиндрли ЭCОТEC турбомотор билан жиҳозланган бўлиб, унинг ёнилғи сарфи 100 кмга - 5,5 литрни ташкил қилади (аралаш цикл). 

Автомобиль, шунингдек 6 поғонали автоматик узатмалар қутиси, калитсиз очиб/ёпиш ва ўт олдириш, экологияни асраш ва ёқилғи тежашга мўлжалланган "старт-стоп" тизимлари билан жиҳозланган. 

"Янги Chevrolet Tracker 2021 йилнинг 25 январ санасидан бошлаб 2та комплектацияда савдога чиқарилди", - дейилган хабарда. 

Chevrolet Trackerнинг · бошланғич комплектацияси - 145 130 000 сўмдан бошланади. LT комплектация - 193 043 478 сўм*. (*Нархлар ҚҚСсиз кўрсатилган).

Айни дамда компания бошланғич комплектация автомобиллари сотувда йўқ, лекин харидорлардан буюртмалар қабул қилинмоқда. Етарли миқдордаги сўровлар жамланганидан сўнг, компания ушбу автомобилларни харидорларга етказиб берилишини таъминлайди, - дейилган расмий хабарда.