Ўз уйида ари чаққан эколог вафот этди
Эколог Аставина Москва шарқидаги квартирасида ўлик ҳолда топилди. Унинг ўлимига ариқ чақиши сабаб бўлиши мумкин эди, деб ёзмоқда “Mk.ru” портали.
Газетанинг ёзишича, фожиа 19 октябрь куни эрталаб содир бўлган. Аставина таниши билан телефонда гаплашган. Суҳбат давомида бир стакан шарбат ичишга қарор қилган аёл ундаги арини сезмай қолган.
Суҳбатдошига нима бўлганини айтган аёл бир дақиқадан сўнг соғлиғи ёмонлашаётганидан шикоят қилган. Шундан сўнг алоқа тўхтаган.
Аставинанинг таниши эса бир неча бор унга қайтиб қўнғироқ қилган, натижа бўлмагач, хонадонига борган. Эшикни очиш учун Фавқулодда вазиятлар вазирлиги, полиция ва шифокорлар гуруҳини чақиришига тўғри келган. Эколог квартирада ўлик ҳолда топилган.
Марҳумнинг дўстининг сўзларига кўра, аёл илгари аллергик хуружлар ёки соғлиғининг жиддий муаммоларидан шикоят қилмаган, аммо тахминан бир йил олдин қандайдир юрак хасталигидан даволаган.
Ҳозирда шифокорлар экологнинг ўлимининг аниқ сабабларини текширмоқдалар.
