Уч ёшли бола наркотикдан заҳарланди
Москвада уч ёшли бола отасига тегишли гиёҳванд моддалар сақланаётган туйнукни топиб, улардан заҳарланди.
Ҳодиса шаҳарнинг жануби-ғарбий Голубинская кўчасида содир бўлган. Она ошхона юмушлари билан шуғулланаётган пайтда бола хонада ўйнаб юрган. Бола жавондан ўрам топиб олиб, уни татиб кўрган. Боласи жимжит бўлиб қолганидан хавотирланган 25 ёшли аёл уни ахтариб хонага кирганида, ўғлини ҳушсиз ҳолда кўриб, дарҳол тез ёрдам чақирди.
Маълум бўлишича, аёлнинг эри беш йил аввал жавонда очилган туйнукда гиёҳванд модда сақлаган, аёл бундан хабардор бўлган, аммо вақт ўтиши билан туйнук уларнинг эсидан чиқиб кетган. Шифокорлар болани зудлик билан гиёҳванд моддадан заҳарланиш ташхиси билан шифохонага ётқизишди. Айни пайтда бола шифохонада, шифокорлар унинг саломатлигини тиклаш йўлида ҳаракат қилишмоқда.
Тергов қўмитаси терговга қадар текшириш ишларини бошлаб юборгна. Ҳуқуқни муҳофаза қилиш органлари ходимлари оиладаги шароит ва бола тарбиясини ўрганишади. Боланинг отаси ҳозир қаерда экани номаълум.
