Туркия АҚШ компанияси билан биринчи космонавтини коинотга жўнатишга рози бўлди

Туркия Саноат ва технология вазири Мустафо Варанк ўзининг ижтимоий тармоқларида Туркия томони ва Американинг Axiom Space компанияси ўртасида биринчи турк космонавтини фазога жўнатиш бўйича келишув имзоланганини маълум қилди.

“Мамлакатимизнинг 100 йиллиги муносабати билан амалга ошириладиган биринчи одамнинг коинотга парвози бўйича тарихий шартнома имзоладик. Биз турк космонавтининг парвозини тайёрлаш ва унга хизмат кўрсатиш учун Axiom Space билан ҳамкорлик қиламиз, космонавтни танлаш жараёни давом этмоқда”, — дея унинг сўзларини келтиради ТАСС.

2021 йил декабрь ойида Туркия президенти Ражаб Тоййиб Эрдўғон SpaceX асосчиси Илон Маск билан космик ҳамкорликни муҳокама қилганди.