Тошкентдан Истанбулга учадиган самолётда техник носозлик аниқланди

Тошкентдан Истанбулга учадиган самолётда техник носозлик аниқланди

Турк Ҳаво Йўлларининг THY-371 рейси бўйича Тошкент-Истанбул рейси техник сабабларга кўра бир неча соатга кечиктирилди. Аммо вақт ўтгач авиаташувчи рейсни бекор қилишга қарор қилди.

Жадвалга кўра, бортида 265 нафар йўловчи бўлган А-333 самолёти Тошкент вақти билан 02:35 да ҳавога кўтарилиши керак эди. Бироқ самолётда техник носозлик аниқлангани сабабли парвоз кечиктирилди, йўловчилар кутиш залига жойлаштирилди ва иссиқ овқат билан таъминланди.

Эрта тонгдан авиакомпания ушбу рейсни бекор қилишга ва йўловчиларни бошқа рейсларда Истанбулга ташишга қарор қилди. Йўловчиларга иссиқ овқат ва меҳмонхонада жойлашиш ҳам таклиф қилинган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!