Тошкентдаги кичик халқа йўлида Cobalt автомашинаси ёниб кетди (видео)
Жорий йилнинг 7 декабрь куни Тошкент шаҳри Яккасарой тумани Қушбеги маҳалласи Кичик халқа йўли ва Қушбеги кўчалари чорраҳасида ҳаракатланиб кетаётган фуқаро А.Ф. бошқарувидаги Cobalt автомобилининг салон қисми ёниб зарарланган.
Ёнғин ўчирувчилар томонидан кўрилган тезкор ҳаракатлар натижасида ёнғин бартараф этилган. Ёнғинга 2 та ёнғин ўчириш экипажи жалб этилган.
Ёнғиннинг келиб чиқиш сабаби автомобилнинг юкхонасида олиб кетилаётган маиший газ баллонидан сизиб чиққан газ ва ҳаво аралашмасининг чақнашидан.
Ўзбекистон Республикаси ИИВ ЁХББ ОАВ билан ҳамкорлик қилиш бўлинмаси хабар беришича, чақнаш вақтида автомобиль эгаси А.Ф. куйиш тан жароҳати олиб шифохонага олиб кетилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
