Тамаки чекиш оғиз бўшлиғи саратонига олиб келади

Тамаки чекиш оғиз бўшлиғи саратонига олиб келади

Тамаки чекиш ва у билан бирга спиртли ичимликлар истеъмол қилиш оғиз саратонига чалиниш эҳтимолини 30 баровар кўпайтиради.
Тамаки чекиш ўпка ва нафас йўллари саратонига олиб келади. Аммо бу зарарли одат оғиз бўшлиғи саратони касаллигига ҳам сабаб бўлиши мумкин. Бу ҳақида Focus.de портали хабар берди.
Тамаки чекиш ва у билан бирга спиртли ичимликлар истеъмол қилиш оғиз саратони касалига чалиниш эҳтимолини 30 баробарга кўпайтиради. Чунки, сигарета тутунида минглаб зарарли бирикмалар бор. Уларнинг камида 90 таси канцерроген моддалардир.
Шундай қилиб, сигаретанинг тутуни билан яқин алоқада бўлган барча тўқималар зарарланиши мумкин ва ҳужайралар мутацияга учрайди. Спиртли ичимликлар шиллиқ қаватни ўтказувчанлигини ошириб саломатликни янада жиддийлаштиради.
Оғиз бўшлиғи саратони кўпинча ривожланган босқичда аниқланади. Касалликнинг дастлабки аломатларига эътибор бериш ниҳоятда муҳим, уларнинг аниқлашиши касаллик билан муваффақиятли курашишга ёрдам беради. Бундай аломатлар шиллиқ қаватнинг шикастланиши, битмайдиган яралар, шиш, қизариш, енгил қон кетиш ва умумий ўзгаришлар (нотекисликлар, чуқурчалар) бўлиши мумкин.
Мунтазам тиш шифокори кўригида бўлиб, оғиз бўшлиғининг ҳолатини кузатиш лозим. Оғиз бўшлиғи гигиенасига риоя қилмаслик, доимий босим нуқталарининг мавжудлиги (нотўғри ўрнатилган бракетлар ёки протезлар туфайли), таркиби гўшт ва қовурилган таомлар бўлган рацион ҳам касалликнинг ривожланишига олиб келиши мумкин.
Оғиз бўшлиғи саратони аллақачон ривожланган бўлса ҳам, кўплаб аломатлар барибир эътибордан четда қолади. Агар зичликлар, кўп қон кетиш, қизил ёки оқ доғлар, тилнинг ҳаракатчанлиги чекланиши, тупукнинг кўпайиши, чайнаш ва ютишда қийинчилик бўлса, шифокор билан маслаҳатлашиш зарур.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!

Билдирилган фикрлар (3 )

    Husanbek Ramazonov
    xalqni pulini yeyishchi!?
    Obsesion
    Özim chakmiyman boshqalarnixam undamiman.nu kashandalikdan öldi anuvi dgan odamni körmadim man tanigan eski chekuvchilar xozr 70 da 17 yoshimdan beri chakaman diydi körinishi 50 yoshdek xayronman chekish rostdan ziyonmi
    .
    rostanam kóchamizda 85 yowli otaxon xaliyam chekadi qóli qaltirab arang yuradiyu no xaliyam chekadi manimcha organizmga bogliq bólsa kerak