Сулҳга қарамай қон тўкилмоқда

Шанба куни Исроилнинг Ливандаги ҳаво ҳужуми оқибатида камида етти киши ҳалок бўлди, 40 нафари яраланди, дея хабар бермоқда Анадолу агентлиги Ливандаги расмий манбаларга таяниб.

Ливан Соғлиқни сақлаш вазирлиги, Исроилнинг Ливан жанубидаги Маржуюн минтақасидаги Тулин қишлоғига уюштирган ҳаво ҳужумида бири бола 5 кишининг ҳалок бўлганини, 11 кишининг яраланганини маълум қилди.

Исроилнинг шарқий Баалбек-Ҳермел вилоятидаги Хуш ал-Саййид ва Сарайн шаҳарларига уюштирган ҳаво ҳужумларида 6 киши яраланган.

Соғлиқни сақлаш вазирлигининг дастлабки маълумотларига кўра, шанба куни кечқурун Исроил учувчисиз самолёти Тирнинг ал-Рамл ҳудудидаги тўхташ жойига зарба бериб, тўрт кишини яралаган.

Вазирликнинг қўшимча қилишича, Набатия вилоятининг Яхмор аш-Шақиф шаҳрига уюштирилган зарбада бир киши, Кфаркелга қилинган зарбада яна икки киши яраланган.

Ҳужумлар Исроил ўзининг Метула аҳоли пункти Ливан ҳудудидан ракеталарга учрагани ҳақида хабар берганидан сўнг, Исроил кучлари Ливан жанубидаги бир қанча қишлоқ ва шаҳарларга ҳаво ҳужумлари билан жавоб қайтарган.

Бу Ливан ва Исроил ўртасида ўт очишни тўхтатиш тўрт ой олдин кучга кирганидан бери бундай турдаги илк ракета ҳужумидир .

Метулага ҳужум учун жавобгарликни ҳали ҳеч қайси гуруҳ ўз зиммасига олмади.

Ливанда ноябр ойидан бери мўрт сулҳ амалда бўлиб, Исроил ва Ливаннинг “Ҳизбуллоҳ” жангари гуруҳи ўртасида бир неча ой давом этган ва сентябр ойида кенг кўламли можарога айланган трансчегаравий урушга барҳам берди.

Ливан ҳукумати Исроил томонидан ўт очишни тўхтатиш режимини 1100 га яқин бузганлиги, жумладан, камида 85 киши ҳалок бўлган ва 280 дан ортиқ киши жароҳатлангани ҳақида хабар берган.

Ўт очишни тўхтатиш бўйича келишувга кўра, Исроил 26 январгача Ливан жанубидан бутунлай чиқиб кетиши керак эди, бироқ Исроил унга риоя қилишдан бош тортгани учун бу муддат 18 февралгача узайтирилди. У ҳали ҳам бешта чегара постида ҳарбий мавжудлигини сақлаб турибди.