Швейцарияда чипслар тугаяпти

2021 йилдаги доимий ёмғир ва Швейцариядаги умумий ёмон об-ҳаво туфайли картошка ҳосили кам бўлди, бу эса чипсларнинг етишмаслигига олиб келди, деб хабар беради The Local.

Одамлар уйда кўпроқ қолиши ва ресторанларга боришдан кўра чипс ейиши туфайли талабнинг 30 фоизга ошиши билан биргаликда Швейцарияда чипс тақчиллиги кузатилмоқда.

Ишлаб чиқарувчиларга картошка етишмаяпти ва чет элдан камида 20 минг тонна импорт қилиш керак бўлади. Чипс компанияларининг айтишича, танқисликнинг қанчалик жиддий бўлишини ҳозирча аниқлаб бўлмайди, оқибатлари декабрда аниқ бўлади.

"Танқисликнинг аниқ даражасини фақат декабрь ойининг бошларида, йиғим-теримдан кейин аниқлаш мумкин", - деди компаниялардан бирининг вакили.