Россияда Samsung смартфонлари сотуви таъқиқланди

Москва Арбитраж суди Samsung Pay сервиси туфайли Россия ҳудудида Samsung'нинг 60 дан ошиқ смартфони сотувини таъқиқлади. Суднинг бу ҳукми Швейцариянинг Sqwin SA компанияси талаби бўйича амалга оширилди. Швейцария компаниясининг эътирозига кўра, сервис уларнинг электрон тўловлар тизими бўйича патентини бузади.

Суд ҳукмига кўра, Samsung Electronics Co Ltd. ва рус дистрибьютори бўлмиш "Самсунг Электроникс Рус Компани"га Samsung Galaxy Z Flip, Samsung Galaxy Fold, Samsung Galaxy S21 ва бошқа янги моделларни мамлакатга киритиш ҳамда реализация қилиш уларда Samsung Pay сервиси ўрнатилгани учун таъқиқланади.