Россия — Украина можароси туфайли Африкада яна 1,8 миллион киши қашшоқликка тушиб қолиши мумкин
Aфрика тараққиёт банкининг (АТБ) “Aфриканинг 2022 йилдаги иқтисодий истиқболлари” номли ҳисоботида айтилишича, Aфрикада 1,8 миллионга яқин одам Россиянинг Украинадаги махсус операцияси натижасида юзага келган иқтисодий муаммолар туфайли ўта қашшоқликка тушиб қолиши мумкин.
Ҳисобот АТБнинг йиллик ассамблеяси бўлиб ўтаётган Гана пойтахти Aккра шаҳрида тақдим этилди, деб ёзади “ТAСС” Maghreb Arabe Presse агентлигига таяниб. Ҳужжатда таъкидланишича, Aфрикада 2021 йилда коронавирус пандемияси туфайли 30 миллионга яқин одам ўта қашшоқликка тушиб қолган. Бу тенденция келгуси йилларда ҳам давом этади.
Бундан ташқари, “2022 йилда Россия ва Украина ўртасидаги можаро туфайли юзага келган иқтисодий муаммолар туфайли Aфрика қитъасида яна 1,8 миллион киши ўта қашшоқликка тушиб қолиши мумкин”, дейилади ҳисоботда. 2023 йилда, ҳисобот муаллифларининг фикрича, бу кўрсаткич яна 2,1 миллион кишига ошиши мумкин.
Таъкидланишича, Россия ва Украина Aфрика қитъасига асосий дон етказиб берувчи давлатлар ҳисобланади.
