Россия армияси Покровскга ҳужум қилмоқда
Россия қўшинлари Покровский йўналиши бўйича ҳужумларини давом эттирмоқда.
Украина армияси бош штаби маълумотларига кўра, ҳарбий тўқнашувларнинг чорак қисми Покровский йўналишида содир бўлмоқда. Донецк вилоятидаги Гродовка, Новогродовка ва Михайловка аҳоли пунктлари учун шиддатли жанглар кетмоқда.
* * *
Донецк вилоятининг Покровск шаҳри Украинадаги энг муҳим темир йўл таъминоти йўналишлари чорраҳасида жойлашган. У Угледардан минтақа шимолигача бўлган Украина мудофаа таъминоти линиясининг асосини ташкил қилади.
Бу ҳақда Австрия армияси зобити, ҳарбий тарихчи, Венадаги Тересен ҳарбий академияси тадқиқот бўлими бошлиғи, полковник Маркус Райснер Deutsche Welle (DW) нашрига маълум қилди. Унинг сўзларига кўра, рус қўшинларининг бу ҳудудда тез олдинга силжиши Авдеевкани қўлга киритгандан кейин мумкин бўлган.
Авдеевка қалъа эди ва февраль ойидан бошлаб бу вазифани Покровск ўз зиммасига олди. Бироқ, энди руслар иккита мудофаа чизиғини ёриб ўтиб, энг ҳимояланган бўлса ҳам, охирги чизиққа яқинлашмоқда.
Шаҳар атрофидаги мураккаб ҳарбий вазият қисман руслар марказга зарар етказиш учун шаҳарнинг ўзини назорат қилишлари шарт эмаслиги билан боғлиқ. Артиллерия таъминоти йўлларини назорат қилиш учун унинг атрофига яқинлашиш кифоя.
