Роналдунинг Мбаппега ёзган изоҳи лайк йиғиш бўйича рекорд ўрнатди

Португалиялик футболчи Криштиану Роналдунинг франциялик Килиан Мбаппенинг Instagram'даги саҳифаси остидаги изоҳи “лайк”лар сони бўйича ижтимоий тармоқ рекордини ўрнатди. Бу ҳақда Daily Mail нашри хабар берди.

3 июн куни Мбаппе Испаниянинг "Реал Мадрид" клубига ўтди. Трансфер эълон қилингандан сўнг, футболчи "Реал Мадрид" атрибутларидаги болаликдаги фотосуратлари акс этган постни жойлаштирди, улардан бирида у Роналдунинг ёнида турган.

Португалиялик футболчи шундай изоҳ ёзган: "Энди кузатиш навбати меники. Мен сени “Сантяго Бернабеу”ни ларзага келтираётганингни кўришни хоҳлайман. Ҳала Мадрид". Ушбу шарҳ 5 миллиондан ортиқ лайк олди.