РИА Новости: Тожикистонда ҳибсга олинганларнинг Крокус ҳужумчиларига алоқаси йўқ

Тожикистонда ўтган ҳафтада қўлга олинган терактларни режалаштирганликда гумон қилинган 15 кишининг «Крокус»даги ҳужумчиларга алоқаси йўқ, деб хабар берди РИА Новости агентлигининг Тожикистон разведка хизматларидаги манбаси.

Ўтган ҳафта Россия давлат агентлиги Тожикистонда «Крокус» ҳужуми иштирокчиларига алоқадорликда гумон қилиниб, камида тўққиз киши ҳибсга олингани ҳақида хабар берган эди.

Reuters ўз манбаларига таяниб, қўлга олинганларнинг барчаси Вахдат шаҳри аҳолиси эканлигини, улар Душанбега олиб кетилганини ёзди.

144 кишининг ўлимига сабаб бўлган «Крокус»га уюштирилган ҳужумда қўлга олинганларнинг 8 нафари Тожикистон фуқароларидир. Саккизинчиси қирғизистонлик.