"Реал" ўз футболчиси билан шартномани узайтирди

Мадриднинг «Реал» клуби ярим ҳимоячиси Федерико Вальверде клуб билан янги шартнома имзолади, деб хабар беради мадридликлар расмий сайти.

25 ёшли уругвайлик футболчининг янги шартномаси 2029 йилнинг ёзига қадар мўлжалланган.

Ярим ҳимоячи 2016 йилдан бери «Реал»да ўйнаб келмоқда. Жорий мавсумда у «қироллик клуби» таркибида барча турнирларда 16 та ўйин ўтказиб, 1 та гол урди ва 3 та голли узатмани амалга оширди. Transfermarkt портали Вальверденинг бозор қийматини 100 миллион еврога баҳоламоқда.

«Реал Мадрид»да Вальверде икки марта Ла Лига, Испания Суперкубоги ва Клублар ўртасидаги жаҳон чемпионатида ғалаба қозонган, шунингдек, бир мартадан Испания Кубоги, Чемпионлар Лигаси ва УЕФА Суперкубогини қўлга киритган.