Қўшма Штатлар 8 йил олдин Украинада Россия чегараси бўйлаб 12 та махфий базани жойлаштирган
Қўшма Штатлар 8 йил олдин Украинада Россия чегараси бўйлаб 12 та махфий базани жойлаштирган,
Бу ҳақда The New York Times нашри хабар бермоқда.
Асосан ер ости бункерларида жойлашган ушбу базалардан Россия алоқа тўлқинлари тингланмоқда ва энди камикадзе дронлари ҳам назорат қилинмоқда.
2016 йилда АҚШ Марказий разведка бошқармаси Украинанинг "2245-бўлинма"сини тайёрлашни бошлаган, бўлинма Россия дронлари ва алоқа воситаларини қўлга киритган, кейинчалик бу разведка бошқармасига уларни бузиш имкониятини тақдим этган. Ушбу бўлинманинг офицерларидан бири Украина разведка бошқармасининг ҳозирги раҳбари Кирилл Буданов бўлган.
Шунингдек, АҚШ Марказий разведка бошқармаси Россия ичида, бутун Европа, Куба ва руслар кўп бўлган бошқа жойларда фаолият юритган украиналик жосусларнинг янги авлодини тайёрлашга ёрдам берган, дейилади мақолада.
Сўнгги ўн йил ичида ушбу ҳамкорлик Украинани разведка маълумотларини йиғиш марказига айлантирди, у АҚШ Марказий разведка бошқармасининг Россиядаги махфий бўлинмаларидан кўра кўпроқ маълумот йиққан.
Газетанинг ёзишича, Марказий разведка бошқармаси билан бундай яқин ҳамкорлик Путиннинг Украинага бостириб киришга қарор қилган сабаблардан бири бўлган.
