Қозоғистонда коронавирусга қарши вакцина олган шифокор аёл вафот этди
Олмаотада 7 апрель куни шифокор аёл коронавирусга қарши вакцина қабул қилганидан икки кун ўтиб уйида йиқилиб, вафот этди. Дастлабки маълумотларга кўра, ўлимга юрак томирлари касаллиги сабаб бўлган, деб ёзади Tengrinews.kz.
Олмаота шаҳар Санитария-эпидемиология назорати департаменти Соғлиқни сақлаш бошқармаси билан биргаликда эпидемиологик текширув ўтказди, ихтисослашган мутахассислар жалб қилинди.
«Текширув натижасида бемор Россияда ишлаб чиқарилган Спутник V вакцинасининг биринчи компоненти билан эмланганлиги аниқланди. Aёл илгари юрак-қон томир тизимининг сурункали касалликлари билан касалланган ва диспансерда рўйхатдан ўтган», - дейилади қўмита хабарида.
Ўлим сабабини аниқлаш учун режадан ташқари текширув ўтказилади. Таъкидланишича, ушбу вакцина билан эмланган қолган беморларнинг аҳволи ёмонлашмаган.
