Қашқадарё вилоятига оид янги қарор қабул қилинди

Қашқадарё вилоятига оид янги қарор қабул қилинди

Қашқадарё вилоятининг туризм салоҳиятидан самарали фойдаланиш чора-тадбирлари тўғрсидаги Ҳукумат қарори (198-сон, 08.03.2019 й.) қабул қилинди.

Қарор билан, Қашқадарё вилоятида янги туризм йўналишларини ташкил этиш бўйича чора-тадбирлар режаси тасдиқланди. Унга мувофиқ, Ғилон ва Кўл қишлоқларида этнотуризм йўналиши ташкил этилади ҳамда ҳар бир қишлоқда 5 тадан меҳмон уйлари қурилади.

Варганза ва Ҳазрати Башир қишлоқларида агротуризм фаолияти йўлга қўйилади. Ушбу йўналиш доирасида Анор фестивали ўтказилади. Татар, Зармаст ва Вари қишлоқларида экстремал туризм фаолияти ташкил этилади ҳамда қишлоқларда 5 та меҳмон уйи, 5 та кемпинг ва 10 та ўтов қурилади. Этноқишлоқ Амир Темур жангчиларининг ҳарбий тайёргарлик лагери барпо этилади.

Шунингдек, Сарчашма ва Сувтушар қишлоқларида экологик туризм, Китоб кенглик станцияси ҳудудида астрономик туризм йўналишлари йўлга қўйилади. Фестиваллар шаҳри бренди остида MICE туризм йўналиши очилади. Ушбу йўналиш доирасида Амир Темур мероси ва бунёдкорлик санъатига бағишланган илмий-амалий конференция ва семинарлар ўтказилади.

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!