Песков: Навальнийнинг жасадини топширишга Кремлнинг алоқаси йўқ

Алексей Навальнийнинг жасадини онасига топширишга Кремлнинг алоқаси йўқ. Бу ҳақда Кремль матбуот котиби Дмитрий Песков маълум қилди, деб ёзади “Репорт” Россия ОАВларига таяниб.

У сиёсатчи тарафдорларининг жасадни топшириш вақтида Кремль иштироки ҳақидаги баёнотини абсурд деб атади:

“Кремлнинг бунга алоқаси йўқ, шунинг учун Кремл унга ҳеч қандай босим ўтказа олмайди. Бу уларнинг навбатдаги абсурд айблови. Менимча, уларнинг барчаси у ёки бу тарзда қидирилмоқда, деярли барчаси хорижда, шунинг учун уларнинг баёнотларига шунга яраша муносабатда бўлиш керак”.

Эслатиб ўтамиз, россиялик сиёсатчи Алексей Навалний 16-феврал куни Россиянинг Ямало-Ненетс автоном округига қарашли Карп аҳоли пунктидаги колонияда вафот этган эди.