Пентагон: АҚШ Туркияни “S-400”дан воз кечишни сўрашда давом этади

АҚШ мудофаа вазирининг сиёсий масалалар бўйича ўринбосари Жон Руд АҚШ маъмурияти Туркиядан Москвадан сотиб олинган “S-400” зенит-ракета тизимларидан воз кечиш учун босим ўтказишни давом эттиришни режалаштираётганини тасдиқлади. Бу ҳақда у чоршанба куни журналистларга берган интервьюсида айтиб ўтди, дейди TASS.

"Биз Туркия ҳукуматининг ўз келажаги тўғрисида суверен қарорлар қабул қилиш ҳуқуқини ҳурмат қиламиз. Шундай бўлса-да, ушбу суверен қарорлар турли оқибатларга олиб келади", деди мудофаа вазирининг ўринбосари.

Унинг сўзларига кўра, Туркия Президенти Ражаб Тоййиб Эрдўғоннинг ноябр ойида Вашингтонга ташрифи чоғида ушбу масала икки давлат президентлари ўртасидаги музокаралар кун тартибида муҳим ўрин эгаллаган.