Одилжон Аслонов 11 ноябрь куни Екатеринбургда рингга кўтарилади

Иккинчи ўрта вазн тоифасидаги профессионал боксчимиз Одилжон Аслоновнинг (5-0-1) навбатдаги жанги тафсилотлари маълум қилинди.

Унга кўра, ҳамюртимиз 11 ноябрь куни Россиянинг Екатеринбург шаҳрида ташкил этиладиган RCC Boxing профессионал бокс оқшомида рингга кўтарилади. Аслоновга шу куни россиялик Рафи Хчоян (2-1-1) рақиблик қилади. Жанг 8 раунд этиб белгиланган.

Эслатиб ўтиш жоиз, Одилжон сўнгги жангини шу йилнинг 8 сентябрь куни Эрик Катомпага қарши ўтказиб, очколар ҳисобига кўра ғалаба қозонган эди. 26 ёшли Рафи Хчоян эса сўнгги бор 17 август куни Илья Очкин билан жанг қилиб, ғалаба қозонганди.