Немислар пул тежашга ўтди

Немислар пул тежашга ўтди

Немисларнинг ярмидан кўпи нархларнинг кескин кўтарилиши фонида тежашга жиддийроқ муносабатда бўлишга мажбур бўлмоқда. Буни NielsenIQ компанияси сўрови натижалари тасдиқлади, деб ёзади "ТАСС".

Тадқиқотда 10 мингдан ортиқ киши иштирок этди. Натижада, респондентларнинг 52 фоизи энди фақат энг керакли маҳсулотларни сотиб олишларини тан олди. Шунингдек, иштирокчиларнинг 30 фоизи умуман олганда камроқ товарлар сотиб олишни бошлаганликларини қайд этишди.

Сўровда қатнашганларнинг қарийб 44 фоизи "қизиқарли ва ҳашаматли" нарсаларни сотиб олишдан қочиш ниятида эканликларини айтди. Бундан ташқари, немисларнинг 31 фоизи ресторанларга ташриф буюришни камайтиришга ҳаракат қилмоқда.

NielsenIQ эксперти Лотар Стиблиннинг таъкидлашича, одамлар нархларни синчиклаб солиштиришади ва махсус таклифларга кўпроқ эътибор беришади, шунингдек, арзонроқ маҳсулотларга ўтишади ёки тез-тез дисконтлардан харид қилишади. "Бугунги кунларда тобора кўпроқ одамлар ўзларига уларсиз нима қилиш мумкинлиги ҳақида сўрашаётгани ва кейин буни амалга ошириши ажабланарли", деди Стиблин.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!