Нега Аллоҳ маҳрни «ҳақ» деб номлаган?
— Аллоҳ таоло Нисо сурасининг 24-оятида “Улар билан (никоҳ орқали) яқинлик қилишингиз биланоқ, белгиланган ҳақларини (маҳрларини) берингиз” деб марҳаҳат қилган. Бу ўринда аёлнинг маҳрини “ҳақ” дейилишига эътибор қаратдим.
Нима, аёл оилавий ҳаёт учун эркак томонидан ижарага олиниб, сўнг ҳақи тўланадиган шахсми?
— Маҳр эрнинг бўйнидаги аёлга бериши вожиб бўлган совғадир. Аллоҳ Нисо сурасининг 4-оятида бундай марҳамат қилади: “Хотинларга маҳрларини мамнунлик билан берингиз!”.(Нисо, 4)
Эр аёлидан манфаат ола бошлаган чоғида хотин бош тортса ёки эрга қаршилик қилиб, ўзига яқинлаштирмаса, маҳрга ҳақли бўлмаслигини англаши учун Аллоҳ уни (маҳрни) “ҳақ” деб таъбир қилди.
Ҳадисда ҳам “эркакнинг аёлдан фойдаланиш ҳақи” деган таъбир келган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
