"Ливерпуль", "Реал" ва "Бавария" жиддий қизиқиш билдирган Хаби Алонсо келажаги борасида якуний қарорини эълон қилди

"Байер" клуби бош мураббийи Хаби Алонсо кейинги мавсум ҳам клубда қолишини эълон қилди.

"Байер"даги ишим тугагани йўқ. Мен клубга ёрдам беришни, ўйинчиларга ривожланишга кўмаклашишни истайман. Клуб раҳбариятни ажойиб инсонлар, бу ерда ҳамма нарса фантастик. Мен ҳали ҳам ёш мураббийман. Ўйлайманки, клубда қолиш мен учун энг яхши қарордир. Танловда шошганим йўқ ва бунга аминман", -дейди Хаби Алонсо.

Маълумот учун, Хаби Алонсога "Ливерпуль", "Бавария" ва "Реал Мадрид" клублари қизиқиш билдираётганди.