Литва Россиянинг Украинага ҳужумини ўз миллий хавфсизлигига бевосита таҳдид деб билади ва Германиянинг Леопард 2 танкларини сотиб олади
Литва Германиянинг Леопард 2 танкларини сотиб олади.
Литва ўз армиясининг янги бўлинмаси учун Германияда ишлаб чиқарилган Леопард 2 асосий жанговар танкларини сотиб олмоқчи, деди Литва мудофаа вазири Лауринас Касcиунас Литва телевидениесига.
Миллий хавфсизлик кенгаши харид бўйича якуний қарорни қабул қилгандан сўнг, шартнома ноябрь ойида имзоланиши мумкин, деди Касcиунас. У қанча танк, қандай аниқ модель ва улар қанча туришини маълум қилмади.
Литва ҳам НАТО, ҳам Европа Иттифоқи аъзоси. Болтиқбўйи мамлакати Россиянинг Калининград анклави ва Россия иттифоқчиси Беларус билан чегарадош ва Россиянинг Украинага кенг кўламли бостириб киришини ўз миллий хавфсизлигига бевосита таҳдид деб билади.
Вилнюс ҳукумати шунинг учун ҳарбий харажатларни оширди ва армияни оммавий равишда янгиламоқда. Немис армиясининг зирҳли бригадаси ҳам Литвада доимий жойлаштирилмоқда.
