"Кичик Месси" учун 100 миллион таклиф қилишди. "Барса" эса...

"Барселона" жамоанинг келажаги сифатида қаралаётган Ансу Фатини сотишни истамади. Бу ҳақда Sport.es хабар тарқатди.

Манбага кўра, номи ошкор қилинмаган клуб 17 ёшли "кичик Месси" учун 100 миллион евро таклиф қилган. Аммо "Барселона" президенти Хосеп Бартомеу бу таклифни рад этган.

Маълумот учун, Фати Каталония клуби сафидаги дебют ўйинини 2019 йил августда ўтказган. У 24 та ўйинда майдонга тушиб, 5 та гол урган ва 1 та голли узатмани амалга оширган.

Фатининг трансфер бозоридаги нархи 36 миллион еврога баҳоланган.