Жиззахдаги дўкон ва омборхонада ёнғин юзага келди

Бугун, 27 июнь куни соат 14:45 да Жиззах вилояти Дўстлик тумани “Чинобод” МФЙ Дўстлик кўчасида жойлашган “Дўстлик деҳқон бозори” ҳудудида жойлашган товуқ маҳсулотлари дўкони ва омборхона томининг 56 м.кв шифт қисми ҳамда дўкондаги маҳсулотлар ёнган.

Ёнғинга соат 14:48 да 2 та ёнғин қутқарув экипажи етиб борган, 14:53 да ёнғин ўраб олинган, 15:23 да ўчирилган.

Ёнғиндан қўшни дўконларнинг 80 м.кв майдони сақлаб қолинган. Фуқароларнинг тан жароҳати олиш ва ҳалок бўлиш ҳолатлари қайд этилмади.

Ёнғиннинг сабаби ва зарари аниқланмоқда.