Жек Ма Хитой ҳукуматини танқид қилганидан кейин ғойиб бўлди

Alibaba Group асосчиси, миллиардер Жек Ма Хитой ҳокимиятини танқид қилганидан кейин икки ойдан ошиқ вақт давомида кўриниш бермади. Бу ҳақда Fox Business хабар берди.

Маълумот учун, Хитойнинг энг бой одамларидан бири 24 октябрь куни Шанхайда ислоҳотлар ўтказиш ва "келажак авлод ва ёшлар учун" янги иқтисодий тизимни яратишни талаб қилганди. Шундан сўнг Жек Ма ноябрь ойида ўтказилган "Aфриканинг бизнес қаҳрамонлари" шоусининг финалида кўринмади. Сўнг унинг компанияси декабрь ойида бошланган антитрестлик текширувига дуч келди.

Шунингдек, тадбиркор промо-видео роликдан олиб ташланди, деб ёзади Financial Times.