Истанбулнинг Шаҳзода ороллари ҳақида қизиқарли фактлар

Истанбулнинг яширин жавоҳирларидан бири бўлган Шаҳзода ороллари октябрь ойида ўзгача тусга киради. Жонли метропол бўйлаб олтин куз ўз тароватини кўрсата бошлаганида, иссиқ ва қуёшли об-ҳаво Осиё томонидаги сокин архипелагни кашф қилиш учун ажойиб вақтга айланади. Истанбул ороллари табиий гўзаллик ва маданий мероснинг мукаммал уйғунлиги билан кўзни қамаштиради.

Истанбулда

Шаҳзода ороллари ўз номини Шарқий Рим давридан олади, бу ерда князлар каби сулола аъзолари ҳам сургун қилинган. Бугунги кунда ороллар гуруҳи ўзининг ям-яшил ландшафтлари ва меъморий мўъжизалари, шаҳарнинг кўп маданиятли жамияти ҳақида тасаввур уйғотувчи ўхшаши йўқ қасрлари ва ҳайратланарли черковлари билан мукаммал манзилдир. Бундан ташқари, фақат пиёдалар учун мўлжалланган кўчаларда шаҳар электр транспорт воситалари маҳаллий аҳоли ва сайёҳлар учун шаҳарнинг жозибадорлигини оширади. Архипелаг тўққизта гўзал оролдан иборат бўлиб, улар орасида Буюкада, Ҳейбелиада, Бургазада ва Киналиада энг кўп ташриф буюрувчилари билан ажралиб туради. Босфорнинг ажойиб манзараларидан баҳраманд бўлган ҳолда шаҳарнинг ҳар икки томонидан қулай паром сафари орқали оролларга саёҳат қилиш мумкин. Мармара денгизининг ўртасида жойлашган бу яширин “жаннат” манзилларни ўрганиш жуда оддий: мафтункор кўчаларда сайр қилиш ёки бирор велосипедни ижарага олиш. Бетакрор уйлар, меъморий мўъжизалар, ажойиб яшиллик ва денгиз манзараларидан шунчаки баҳра олиш кифоя. Қирғоқдаги ресторанларда янги мавсумий балиқ ва газак каби турк ошхонасининг маҳаллий лаззатларини татиб кўриш ўзгача завқ бағишлайди.

Буюкада: Архипелагнинг энг катта ороли

Туркчада “катта орол” деган маънони англатувчи Буюкада Шаҳзода оролларининг энг каттасидир. Истанбулга жуда яқин бўлса-да, Буюкада атмосфера нуқтаи назаридан бутунлай бошқа бир дунёдек туюлади. Паромдан тушиш билан оролнинг машҳур Соат минораси кутиб олади. Энг унутилмас қуёш ботишига гувоҳ бўлиш учун Буюкаданинг энг баланд тепалиги бўлган Южетепедаги Ая Ёрги черковига ташриф буюриш керак, бу эса тик тепаликка чиқишни талаб қилади. Оролнинг бошқа диққатга сазовор жойлари орасида Шаҳзодалар ороли музейи, туркиялик ёзувчи Решат Нури Гунтекиннинг қароргоҳи ва оролнинг олов минораси вазифасини бажарадиган Адакуле бор. Бундан ташқари, яқинда амалга оширилган реставрациялардан сўнг, кўплаб тарихий бинолар Буюкадада турли хил қизиқарли тадбирларга мезбонлик қиладиган маданий ва санъат маскани сифатида хизмат қила бошлади.

Ҳейбелиада: Энг яшил орол

Истанбулнинг иккинчи энг катта ва яшил ороли Ҳейбелиада ўз номини эгар сумкасига ўхшаш кўринишидан олган. Орол Истанбулда тинчлик ва ҳамжиҳатликда яшаётган турли жамиятнинг энг яхши намуналаридан биридир. Ая Ёрги Рокки монастири, Бет Яаков ибодатхонаси ва Ая Никола черкови оролда албатта кўриш керак бўлган иморатлардан. Ҳейбелиада узоқ вақтдан бери Истанбулликлар учун “қочиш” жойи бўлган. У баҳайбат дарахтлар соясида ўтириш, тарихий чойхоналарда дўстлар билан дийдорлашиш, кўп асрлик рецептларда тайёрланган ноёб балиқ таомларини татиб кўриш ва музқаймоқлардан завқланиб, муҳташам уйларни кўриш каби бебаҳо имкониятларни тақдим қилади.

Бургазада: Архипелагнинг энг сокин воҳаси

Шаҳзода оролларининг учинчи йирик ороли Бургазада, эҳтимол архипелагдаги энг тинч оролдир. Орол ўзининг ноёб қасрлари, монастирлари ва табиий жозибаси билан ташриф буюрувчиларни лол қолдирмоқда. Бошқа ороллардан фарқли ўлароқ, Бургазада фақат битта тепаликка эга. Байрак тепалиги ва бу тепаликдаги Христос монастири харобалари оролдаги биринчи бекат бўлиши керак. Кейин турк адабиётининг йирик намоёндаларидан бири бўлган Саит Фаик Абасияникнинг музейга айлантирилган уйини зиёрат қилиш мумкин. Оролдаги бошқа муҳим бинолар орасида Ая Яни черкови ва Ая Ёрги Гариби монастири мавжуд.

Киналиада: Энг яқин ва Қизил орол

Истанбулга энг яқин орол Киналиада бўлиб, осон ва сокин дам олиш учун идеал жой. Орол туркчада “хина” деган маънони англатувчи қизил тупроғ номидан олинган. Оролни кашф қилиш учун Сурп Крикор Лусаворик черковини зиёрат қилиш керак, чунки энг узоқ нуқтадан ҳам бу атиги ярим соат давом этади. Аммо оролнинг жозибасини ғаройиб китоб дўконлари, шинам кафелар ва қуёш ботишини кузатиш ҳамда сайр қилиш учун жуда мос келадиган такрорланмас қирғоқларда кўриш мумкин. Ноёб орол ширинликлари учун маҳаллий қандолатхонага ташриф буюриш ёки қўлда ясалган сувенирлар сотиладиган кичик ҳунармандлар дўконларини сайр қилиш имкониятини бой берманг!