Исроил Суриянинг марказий қисмидаги ҳарбий объектларга зарба берди
Исроил якшанба оқшомида Суриянинг марказий қисмидаги бешта ҳарбий объектга зарба берди, деб хабар бермоқда Сурия ОАВ.
Ҳужум мамлакат марказидаги Мисяфдаги ҳарбий объектларни нишонга олган уч гуруҳ томонидан уюштирилган.
Аввалроқ Сурия давлат матбуоти Сурия ҳаво ҳужумидан мудофаа кучлари Суриянинг марказий минтақасидаги бир қанча аҳоли пунктларига қаратилган «тажовуз»ни қайтарганини хабар қилган эди.
Суриянинг САНА ахборот агентлигининг Мисяфдаги касалхона директорига таяниб хабар беришича, Исроилнинг Суриянинг марказий қисмига берган зарбалари оқибатида камида тўрт киши ҳалок бўлган ва 15 киши яраланган. Улардан баъзиларининг аҳволи оғир.
Матнда хатолик топсангиз, ўша хатони белгилаб, бизга жўнатинг (Ctrl + Enter).
