Ҳумоюн Султонов Ҳиндистонда чемпион бўлди

Ҳиндистонда Халқаро теннис федерацияси томонидан (ITF) эркаклар ўртасида ўтказилган “Фьючерс” туркумига кирувчи “M15 Chandigarh” халқаро турнири якунланди.

Унда мамлакатимизнинг биринчи рақамли теннисчиси Ҳумоюн Султонов яккалик баҳсларининг сўнгги ҳал қилувчи финал баҳсида мезбонлар вакили Рамкумар Раманатан устидан икки сетда 6:4, 6:2 ҳисобида устун келди.

Мазкур ғалаба натижасида теннисчимиз бош совринни қўлга киритди. Шуни таъкидлаш жоизки, Ҳумоюн Султонов ушбу турнирнинг жуфтлик баҳсларида ҳиндстонлик Кабир Ханс билан тандемда чорак финалга қадар етиб борди.