Ҳиндистонда COVID-19 беморлари вентиляторларида кислород тугаб қолиши оқибатида вафот этмоқда
Ҳиндистон ғарбидаги Махараштра штатида камида 24 та COVID-19 билан касалланган бемор вентиляторларида кислород тугаб қолгани туфайли вафот этди.
Мамлакат бўйлаб барча шифохоналарда, жумладан, пойтахт Ню-Деҳлида хусусий шифохоналарда ҳам кислород захираси тугаб бормоқда. Чоршанба куни Ҳиндистон 295041 янги ҳолат аниқланганини эълон қилди, бу шу пайтгача қайт этилган энг кўп кунлик касалланишлар сони.
1,4 миллиард аҳолиси бўлган Ҳиндистон ҳозиргача қарийб 130 миллион эмлаш дозаларини ўтказди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
