Германияда юз берган сув тошқинида 30дан ортиқ киши ҳаётдан кўз юмган
Германиянинг ғарбий қисмида юз берган кучли сув тошқини оқибатида камида 33 киши ҳалок бўлган, яна ўнлаб одамлар бедарак йўқолган. Бу ҳақда Германиянинг «Focus» нашри хабар бермоқда.
Манбага кўра, ўнлаб уйлар ва автоуловлар сув остида қолган, кўчаларда катта миқдорда сув тўпланиб қолиши натижасида ҳаракат тўхтаб қолган. 200 мингдан ортиқ аҳоли электр таъминотисиз қолган.
Тошқин Шимолий Рейн-Вестфалия ва Рейнланд-Пфальц федерал ерларида содир бўлган.
Европа Комиссияси раҳбари Урсула фон дер Ляйен Европа Иттифоқ тошқин талофатларини бартараф этиш ва тиклаш жараёнида ёрдам беришга тайёрлигини билдирган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
