Германия канцлери Самарқандга учиб кетди

Германия канцлери Олаф Шольц Ўзбекистон Президенти Шавкат Мирзиёевнинг таклифига биноан 15-16 сентябрь кунлари расмий ташриф билан мамлакатимизда бўлади.

«Самарқандда бўлиш дастурига мувофиқ олий даражадаги музокаралар ўтказилади, унда Ўзбекистон-Германия кўп қиррали ҳамкорлигини янада ривожлантириш масалалари кўриб чиқилади», — дейилади хабарда.

Мирзиёев матбуот хизмати хабарига кўра, савдо-иқтисодий, технологик ва сармоявий-молиявий шериклик муносабатларини кенгайтириш, Германиянинг етакчи компания ва банклари билан ҳамкорликни чуқурлаштириш, меҳнат миграцияси, экология, таълим, соғлиқни сақлаш ва бошқа соҳаларда фаол ҳамкорликни давом эттиришга алоҳида эътибор қаратилади.