Ғазо жанубида 10 нафар фаластинлик тинч аҳоли ҳалок бўлди

Исроил ҳарбий-ҳаво кучларининг Ғазо сектори жанубидаги Хон Юнус шаҳарчасидаги уйга зарба бериши оқибатида ўн нафар тинч аҳоли ҳалок бўлди, ўнлаб кишилар яраланди.

Бу ҳақда Фаластиннинг WAFA расмий ахборот агентлиги хабар берди.

Қайд этилишича, ҳужум қурбонларининг аксарияти болалардир.

Исроил артиллерия бўлинмалари Хон Юнусдаги Европа касалхонаси атрофини ҳам ўққа тутди.

Бундан ташқари, Исроил авиацияси Ғазо секторининг марказий қисмидаги Дайр ал-Бала ҳудудига, шунингдек, Нусайрат, Ал-Мағози ва Ал-Завайд қочқинлар лагерларига йирик зарбалар берди. Исроил армияси ҳам Ғазо секторининг шимолида ҳужумларини давом эттирди.