Европа давлатларидан бири санкцияларга қарамай, Россиядан газ олишни кўпайтирди

Иқтисод / Бизнес / Хориж
A A A
Европа давлатларидан бири санкцияларга қарамай, Россиядан газ олишни кўпайтирди

Россия Ғарб санкцияларига қарамай, Испания бозорига суюлтирилган газ (LNG) етказиб берувчи асосий таъминотчи сифатидаги мавқеини мустаҳкамлашда давом этмоқда. Бу ҳақда Enagás компанияси маълумотларига таяниб, «ТАСС» ёзмоқда.

Энергетика компанияси маълумотларига кўра, 2024 йил апрель ойида Мадрид Россия Федерациясидан 5 342 ГВт / соат LNG сотиб олди , бу умумий импортнинг деярли 20 фоизини ташкил этди ва Москва ушбу ёқилғини қиролликка етказиб бериш бўйича Жазоирдан кейин иккинчи ўринни эгаллади.

Жорий йилнинг дастлабки тўрт ойида Испания Россиядан 26 854 ГВт/соат кўк ёқилғи сотиб олди ва Россиянинг ҳажми бўйича иккинчи йирик етказиб берувчи мақомини сақлаб қолди.

«Испания 2022-2023 йилларда Европа Иттифоқида Россия LNGнинг асосий харидорига айланди», деди ўтган йили Россиянинг Мадриддаги элчиси Юрий Клименко.

Унинг тушунтиришича, иқтисодий нуқтаи назардан газ етказиб бериш бўйича узоқ муддатли йирик шартномани бузиш испан томони учун фойдасиз.

Киритилди: 15:23 12.05.2024. Ўқилди: 1930 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!