Эрдўғон ислом давлатларини фаолликка чақирди

Эрдўғон ислом давлатларини фаолликка чақирди

Туркия Президенти Режеп Таййип Эрдўғон ислом мамлакатларини Сурияни сиёсий барқарорлаштириш ва ушбу ҳудуддан чиқаётган терроризм таҳдидини бартараф этишда фаоллик кўрсатишга чақирди.

"Ислом дунёсини 10 йилдан ортиқ вақт хавотирга солиб келаётган муаммолардан бири Суриядаги можаролар ҳисобланади. Туркия суриялик 3,5 миллион қочқинга бошпана берди. Сурия чегараси доирасида можароларга барҳам бериш учун барча саъй-ҳаракатларни ишга солмоқда, ислом мамлакатлари бу мамлакатда сиёсий барқарорлик ўрнатиш учун фаол ҳаракат қилиши керак", – деди Эрдоған душанба куни Истанбулда бўлиб ўтган Ислом ҳамкорлик ташкилотининг иқтисодий ва тижорат ҳамкорлиги бўйича доимий қўмитаси мажлисида сўзга чиқиб.

TRT телеканали намойиш қилиб борган мазкур мажлисда Туркия етакчиси айрим Ғарб мамлакатларини “Ислом давлати” террорчи гуруҳларига қарши курашиш баҳонасида Курдистон ишчи партияси террорчиларини ҳамда унинг суриялик бўлинмаларини қўллаб-қувватлаётганликда айблади. "Биз мамлакатимизга хавф солаётган террорчи ташкилотларни йўқ қилиш ҳамда Сурия ва Ироқнинг ҳудудий яхлитлиги масаласида қатъиймиз", – дея таъкидлади у.

Эрдўғон, шунингдек, Туркия Фаластин халқининг қонуний ҳуқуқларини ҳимоя қилиш ҳамда Қуддус ва “Ал-Ақса” масжиди мақомини сақлаб қолиш бўйича ҳам саъй-ҳаракатларини давом эттиришини таъкидлаган.

Туркия Президентининг фикрича, мавжуд муаммоларни дипломатия воситалари билан ҳал этиш керак, жумладан, дон бўйича битим, шунингдек, Россия ва Украина ўртасида асирлар алмашуви Анқаранинг фаол иштирокида амалга оширилди. "Ўзаро қарама-қаршиликларни дипломатик йўллар билан ҳал этиш мумкинлигини исботладик", деди у.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!