"Crocus City Hall" да терактни уюштиришда айбланаётганлар терактдан сўнг ўзларига ваъда қилинган мукофотни олиш учун Киевга йўл олганликларини тан олишди — Россия Тергов қўмитаси

Бошқарманинг янги баёнотига кўра, қўлга олинганлар ўз ҳаракатларини Теlegram орқали уларга номаълум шахс мувофиқлаштириб турганлиги ҳақида маълум қилган.

Аввалроқ ижтимоий тармоқларда терактда айбланаётганларнинг очиқ-ойдин қийноққа солингани акс этган фотосуратлар ва видеолар пайдо бўлган эди. Суд теракт иши бўйича жараёнларни ёпиқ шаклда ўтказишга қарор қилган.

Россия расмийлари ҳеч қандай аниқ далил келтирмасдан, терактда Украинанинг "қўли" борлигини қатъий таъкидламоқда. Шу билан бирга, ҳужум учун жавобгарликни ИШИДнинг "Вилоят Хуросон" бўлими расман ўз зиммасига олганлиги ҳақида эълон қилган.