Британиянинг Financial Times газетаси Украина президенти Владимир Зеленскийни йил одами деб топди
«Февраль босқинидан олдин кўплаб украиналиклар уни масхарабоз ва ҳаваскор деб билишган, улар юқори лавозимдаги қийинчиликларни қабул қила олмасдилар, бироқ 44 ёшли Зеленский ақл бовар қилмайдиган етакчилиги ва чидамлилиги туфайли тарихда ўзининг муносиб ўрнини эгаллашга муваффақ бўлди», деб ёзади нашр.
Украина Киевга қилинган ҳужумни қайтариш ва Донбассда қарши ҳужумни амалга ошириш билан бутун дунёни ҳайратда қолдирди, деб ёзади газета. У Россия қўшинлари томонидан босиб олинган ҳудуднинг ярмини қайтариб олди, энди қиш бошланиши билан Украина ҳарбийлари бутун босиб олинган ҳудудларни, жумладан Донбасс ва Қримни озод қилиш учун жануб ва шарққа қараб ҳаракат қилмоқда.
«Уинстон Черчилл Блитс пайтида ўз мамлакатини йиғиш учун радио орқали гапирганидек, Зеленский ижтимоий тармоқлардан Ғарбдан тинимсиз ҳарбий ва молиявий ёрдам сўраб, ўз халқининг оғир аҳволини Европа ва Қўшма Штатлар раҳбарларига қарши маънавий воситага айлантирди.»
«Зеленский, шунингдек, Украина халқининг Россия агрессиясига қарши курашдаги жасорати ва чидамлилигининг тимсолига айланди. Айнан шу сабабларга кўра Financial Times Зеленскийни »Йил одами« деб тан олди», - дея хулоса қилади нашр.
