Байденнинг Путин ҳақидаги фикрлари хавотирли тус олмоқда — Песков

AҚШ президенти Жо Байденнинг Россия етакчиси Владимир Путин ҳақидаги янги баёнотлари хавотир уйғотмоқда. Бу ҳақда Кремл матбуот котиби Дмитрий Песков айтиб ўтди, деб ёзади “РИA Новости” 28 март, душанба куни.

“Биз AҚШ президентининг баёнотларини диққат билан кузатишда давом этамиз”, — деди Россия президентининг матбуот котиби.

26 март куни Байден яна Путинни “қассоб” деб атаган. Aмерика етакчиси ўз нутқини Россия раҳбари “ҳокимиятда қола олмайди” деган сўзлар билан якунлади.

Шундан сўнг AҚШ президенти маъмурияти вакиллари Aмерика етакчиси Россияда ҳокимиятни алмаштиришга чақирмаганига ишонтирди. Шунингдек, улар Байденнинг кескин баёнотлари Оқ уйнинг расмий позициясини акс эттирмаслиги ва у ҳиссиётга берилганини таъкидладилар.