"Барселона" "Манчестер Сити" ҳужумчисини сотиб олишга яқин турибди
"Барселона" "Манчестер Сити" клуби ҳужумчиси Ферран Торреснинг трансфери устида ишламоқда.
Каталониялик инсайдер Жерар Ромеронинг хабар беришича, Каталония клуби спорт директори Матеу Aлемани ҳозир Манчестерда ва "Сити" билан Торреснинг трансфери борасида музокаралар олиб бормоқда.
Манбага кўра, футболчи "Барселона"га ўтишни интиқлик билан кутмоқда. Клублар трансфер шартларини муҳокама қилишмоқда. Катта эҳтимол билан, Ферран сотиб олиш шарти билан ижарага олинади.
Ферран Хосеп Гвардиолага "Барса"га ўтишни истаётганини айтди. Унга бошқа клублардан таклифлар бор, лекин у фақат Каталония клубига ўтишни хоҳлайди.
Шунингдек, "кўк-анорранглилар" устози Хави испаниялик футболчининг трансферига аллақачон розилик бергани қайд этилган.
Шу билан бирга, Марcа ва AС нашрлари “Барселона” Торрес билан тўлиқ келишувга эришгани ва ҳозирда “Сити” билан трансфер масаласини муҳокама қилаётгани ҳақида хабар бермоқда. Қайд этилишича, Каталония клуби узоқ вақтдан бери Ферран Торресни сотиб олиш устида ишламоқда.
Клуб буни устувор вазифа деб билади. Трансфер қишки ёки ёзги трансфер ойнасида амалга оширилади.
Инсайдер Фернандо Полонинг ёзишича, Торрес "Манчестер Сити"дан ҳар қандай ҳолатда ҳам уни "Барселона"га қўйиб юборишни сўраган. Шунингдек, манбанинг хабарига кўра, "шаҳарликлар" устози Пеп Гвардиола испанияликнинг кетишига ўз розилигини берган.
