Арманистоннинг КХШТдан чиқиши талаб этилмоқда
Якшанба куни Ереван марказининг Озодлик майдонида бир неча юз фаоллар, шу жумладан ғарб жамғармалари томонидан молиялаштириладиган ташкилотлар ходимлари Арманистоннинг Коллектив хавфсизлик шартномаси ташкилоти (КХШТ)дан чиқиши талаби билан митинг ўтказди. Акция маҳаллий порталлар томонидан реал вақт режимида намойиш қилинди.
“Биз бу ерда ягона кун тартиби билан йиғилдик – ҳукуматимиздан талабимиз – Арманистон КХШТ аъзолигидан чиқиши керак. Шундан сўнг биз ҳақиқий иттифоқчиларимиз билан мамлакатимиз хавфсизлигини таъминлаш имкониятлари бўйича музокараларни бошлаймиз”, деди номойиш иштирокчиларидан социолог Карен Саркисян.
Намойишда"Сасна црер" ҳарбийлашган гуруҳининг сиёсий қаноти “Миллий бирлашиш қутби” партияси вакиллари ҳам қатнашмоқда. Илгари хабар берилганидек, айнан шу гуруҳ жангарилари 2016 йилнинг ёзида Ереванда полицияга ҳужум қилган ва унинг натижасида уч ходим халок бўлган эди.
Озарбайжон билан чегарадаги вазият кескинлашганидан кейин Арманистонга етиб келган генерал-полковник Анатолий Сидоров бошчилигидаги КХШТ миссияси ҳозиргача Ереванда бўлиб турибди.
