Арманистон Тоғли Қорабоғни Озарбайжоннинг бир қисми сифатида тан олишга тайёр – Пашинян

“(Арманистон тан олишга тайёр) 86,6 минг кв км ҳудудга Тоғли Қорабоғ киради. Лекин шуни ҳам таъкидлаш керакки, Тоғли Қорабоғ арманларининг ҳуқуқлари ва хавфсизлиги масаласи Боку-Степанакерт форматида муҳокама қилиниши керак”,- дейди Арманистон бош вазири.

У Озарбайжон билан тинчлик шартномаси матни бўйича тез орада келишувга эришилишига умид билдирди. Аввалроқ Пашинян Боку Арманистон ҳудудининг 29,8 минг квадрат километрини, Ереван эса Озарбайжон ҳудудининг 86,6 минг квадрат километрини тан олишини айтганди.