АҚШ ва Покистон яна дўст бўлишди
АҚШ Давлат котиби Энтони Блинкеннинг айтишича, Вашингтон ва Исломобод ўртасидаги келишмовчиликларга қарамай, Афғонистонда ягона мақсад – халқнинг барқарор ва тинч келажагини таъминлаш, шунингдек, терроризмга қарши кураш.
Давлат департаментидан инсон тилига таржима қилайлик: “келишмовчиликлар” - бу Бин Ладенни ўлдириш бўйича операция бўлиб, Исломободда буни деярли аралашув ҳаракати сифатида қабул қилишди. “Умумий мақсад” эса Кобулдаги янги ҳокимиятга қарши мувозанатдир.
Эслатма - охирги марта Қўшма Штатлар ва Покистон 2000 йилларнинг охирида фақат Толибонга қарши курашиш учун бирлашган. Афғонистон уларнинг “муваффақиятли ҳамкорлиги” натижасини бир йилдан ортиқ вақт давомида кузатмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
